我已經盡量唔想俾呢種感覺影響 但係好多野好似控制唔到
有人前幾日問左我一個問題 我唔識答 係個刻我真係好唔開心
唔係我想咁的 我都想大家開開心心咁玩 唔係好似而家咁分開2批
聖誕節快樂
今日係小同bbq日 16年無見大家 一出到黎就係咁認人
大家個樣其實無乜點變 仲可以講得出大家個名 只係個樣老左 哈哈
以前我地個班0的女仔係高過哂男仔架 今日一見發覺個個男仔都牛高馬大
我地女仔就好似無高過咁 果然女仔係比較早熟
多得facebook既發明 我地竟然有機會可以聚埋一齊 有21個同學仔出席呀
差幾個就湊夠一班喇 好開心好懷念以前嬉戲既日子
希望下次再搞聚會喇 唱k唱k唱k !!!
p.s. 今日同精影左張"結婚相" 係預備俾大家擺係對方婚禮條片既結婚相
因為需要update下大家個樣 哈哈!!!!!!!
3個月後就知駛唔駛拎我出去...哼! 到時睇下有冇人保我..
______________________________________________________________
喜事一則 : 朋友下年結婚了 好開心
_______________________________________________________________
悲事一則 : 一對已準備結婚既情侶因為一件事而分手
唔止有全天下男人都會犯既錯誤 亦都有全天下女人都會犯既錯
信任係維持開係既一個好重要因素.pls..dont check yr bf sms/ facebook etc..
ex始終都係ex 請相信當下佢最愛既係你
_________________________________________________________________
最近超級極度燥底 只係見到三叔既時候先識開懷大笑同忘記煩惱
)上次睇4條0係係屋企睇 睇個陣時都要遮住眼黎睇
今次睇5條0係係戲院睇 (我應該好耐好耐都無係戲院睇鬼片
我意思係真係鬼片 對上個套應該已經係貞子 =.= 如果我有錯的話請糾正)
睇trailer個時我覺得呢套戲好驚的 特別係那隻女鬼 開頭個4個故事有0的
好無聊 有0的係驚驚地 所以我睇個時都有遮住 點知睇到最尾以為最驚點知
笑到我肚痛 那隻女鬼既造型真係無得頂 但係個故事真係好funny
呢套戲既編排非常好 睇完一輪驚既之後整個勁好笑既等人舒緩下個情緒
睇完出黎我同三叔都笑到收唔到聲 絕!!!
睇雜誌見到日本有部反枱機而香港都應該將會有 我同三叔講話部機一黎到
香港我要去玩 我要去發洩一下呢個零月我不滿既情緒 勢要去反枱!!!
燒下野食玩下啤牌又玩到12點
今日飲左杯好難飲既咖啡
老闆一早請落去pacific coffee飲咖啡 當然唔止飲咖啡咁簡單
唔好黑口黑面 我ok 我明有時做人係要假0的 就算幾唔開心/幾嬲都好
都唔好擺哂個樣出黎俾人睇 所以以後對住gm都要笑
得罪gm既後果可以會被lay off 因為唔想我被lay off 所以叫我如果gm有
任何既要求都要絕對服從even佢係錯 even佢既決定足以影響公司既生意
同營運而最終隻鑊都係我地揹
呢0的叫妥協/ 難聽0的講句係向惡勢力低頭 真係好難接受
已經逐點逐點list哂出黎同佢解釋佢呢個決定會有好大既影響 講一次唔聽
講兩次唔聽 講三次都唔聽既時候 一意孤行之餘仲要我揹呢隻鑊 似乎一0的都講唔通
學識做人要假要耍手段同埋要學對付一0的陰則既人
that's the way but it's not my character
